DGEMs

Maluk sira mak Kristu hadomi,

Fiar nebé kle’an: Iha evangelho ohin Jesus hanorin Nia eskolante sira uza imajens hanesan harí ita nia fiar iha fatuk leten no rai-henek leten, hodi fó hanoin mai ita katak fiar nebé forte sei hakat liu dezafiu no krizi sira iha ita nia moris; maibé fiar nebé fraku sei labele hakat liu dezafiu no krizi sira moris nian. Reflete; “Espírito Santodehan saida ba ita kona-bá ita nia fiar ohin?”  

Pe. Philip Heng, S.J.

Eskolante diak los

       21“La’os ema hotu nebe dehan mai Ha’u: ‘Na’i, Na’i!’ sei tama iha reinu lalehan, maibe nia deit nebe halo tuir Ha’u Aman iha lalehan nia hakarak. 24“Ne’e duni, ema nebe rona Ha’u nia liafuan hirak ne’e hodi  moris tuir, nia hanesan ema matenek nebe harii nia uma iha fatuk leten; 25udan tau, mota tun, anin hu’u hasouru uma ne’e, maibe uma la monu basa hamriik iha fatuk leten. 26Maibe, ema nebe rona Ha’u nia liafuan hirak ne’e, no la halo tuir nia, nia hanesan ema beikten nebe harii nia uma iha rai henek leten. 27Udan tau, mota tun, anin hu’u hasouru hodi sobu uma ne’e; uma ne’e monu. Nia rahun aat liu.”