DGEMs

Maluk sira mak Kristu hadomi,

Prezenti Fiar Nian:Iha Evangelho ohin, Jesus hahí Nia Aman iha lalehan basá Ita subar tiha buat sira ne’e hosi ema matenek sira hodi fó hatene fali ba sira nebé ki’ik. Reflete; ita nia moris hetan naroman husi Maromak hodi nune’e ita bele moris tuir hanesan Jesus no hetan prezenti ksolok rohan laek nian. Ita haksolok ho fiar hanesan ne’e nebé Jesus fó mai ita?

Pe. Philip Heng, S.J.

Jesus nia ksolok

21Iha oras neba Nia haksolok teb-tebes ho Espiritu Santu dehan: “Ha’u hahi Ita, Aman, lalehan no rai nia Na’in, basa Ita subar tiha buat sira ne’e housi ema matenek sira hodi fo hatene fali ba sira nebe kiik. Tebes, Aman, Ita hakarak duni nune’e. 22Ha’u nia Aman saran tiha buat hotu mai Ha’u. Ema ida la hatene se mak Oan, Aman deit mak hatene; no ema ida la hatene se mak Aman, Oan deit mak hatene, no ida nebe Oan Mane hakarak fo hatene ba nia.” 23Hafoin, haketak tiha nia eskolante sira housi sira seluk, Nia dehan: “Ksolok ba matan sira nebe hare buat nebe imi hare, 24Basa Ha’u dehan ba imi katak profeta no liurai sira barak uluk nian hakarak hare buat nebe imi hare, maibe sira la hare; no rona buat nebe imi rona, maibe sira la rona.”