34a Semana Tempu Komun: Sesta-Feira, loron 25 fulan Novembru, 2022 November 25, 2022
Reflection on the WORD
Maluk sira mak Kristu hadomi,
Sinais Maromak Nia Reino- Fiar: iha evangelho ohin, Jesus alerta Nia eskolante sira katak Maromak Nia Reino besik ona no nunka husik liu de’it sekarik sira hakarak hadomi Maromak ho fidelidade nebé boot. Reflete; ita aproveita Maromak Nia domin ho halimar de’it iha ita nia moris lor-loron no hanoin katak buat hotu sei la’o di’ak to’o ita inespetativa hasoru susar no terus iha ita nia moris no família sira?
Pe. Philip Heng, S.J.
Lk 21:29-33
Aiknanoik ai figueira nian
29Nia haktuir aiknanoik ida ne’e ba sira: “Imi hare di-diak ai figueira no ai sira seluk hotu. 30Wainhira sira hahu hatubun tahan nurak, imi hatene katak bainloron besik ona. 31Nune’e mos imi, wainhira imi hare buat hirak ne’e mosu, imi sei hatene katak Maromak nia reinu besik ona. 32Tebes Ha’u dehan ba imi: otas ne’e sei la liu to’o buat ne’e hotu mosu. 33Lalehan no rai sei liu, maibe Ha’u nia liafuan sira sei la liu.”
Today's Pointers on God's Word
As you read the passage what words, phases or meanings caught your attention?
- · Maromak revela nafatin Nia an no Nia hakarak mai ita. Nia fó sinais barak mai ita. Nia halo sinais klaru mai ita maibé dalabarak ita laloke an ba Nia Espíritu.
- · Parte husi ita mak iha tendénsia hodi rezisti mudansa iha ita nia estilo de vida nebé Maromak husu. Nune’e ita sei labele rekoñese sinais Maromak Nian maski Nia fó nafatin grasa sira ita presiza.
- · Ita hakarak krese iha ita nia fiar? Se nune’e oinsa ita bele muda ita nia atitude no estilo de vida sira atu nunue’e ita bele loke an hodi rekoñese sinais Maromak Nian di’ak liutan ho laran tomak?