32ª Semana tempo comum: Domingo, dia 6 fulan Novembro, 2022 November 6, 2022
Reflection on the WORD
Maluk sira mak Kristu hadomi,
Resurreisaun - Fiar :Iha Evangelho ohin, Jesus proklama ba ema Saduzeu sira nebé la fiar iha realidade resurreisaun nian – moris hias. Reflte; “ohin ema barak mak la fiar iha moris hias no moris iha lalehan. Ba ema sira hanesan ne’e realidade mate nian sai fenomena nebé nakonu ho ta’uk. Mai ita harohan atu nune’e sira sei bele simu dom de fé iha Jesus.
Pe. Philip Heng, S.J.
Lk 20:27, 34-38
Kona-bá matebian sira nia moris hi’as
27Ema saduseu balun, nebe la fiar moris hi’as, hakbesik hodi husu ba Nia: 34Jesus hatan ba sira: “Mundu ne’e nia oan sira hola malu nudar laen feen, 35maibe sira nebe soi ba mundu seluk no ba moris hi’as housi mate sira le’et, sira ne’e la kaben, 36tan sira la bele mate tan, basa sira hanesan anju sira. Sira Maromak nia oan, basa sira moris hi’as nia oan sira. 37Kona ba moris hi’as matebian sira nian, Moises rasik mak hatudu hodi hakerek kona ba aitarak nebe lakan maibe ahi la han, wainhira nia bolu Na’i ‘Abraao nia Maromak, Isaac nia Maromak, no Jacob nia Maromak.’ 38Nia la’os matebian sira nia Maromak, maibe ema moris sira nian; basa ba Na’i, ema hotu moris hela.”
Today's Pointers on God's Word
As you read the passage what words, phases or meanings caught your attention?
- · Resurreisaun ne’e prezente divino ida nebé Maromak haraik mai ita. Ita nunka manan ita nia dalan rasik ba lalehan. Prezente ida ne’e labele prezume no ita tenki moris tuir Kristu nia dalan.
- · Saduzeu sira hanoin katak ita nia kazamento iha mundo ne’e no ita nia relasaun humana sei kontinua iha mundo seluk hafoin ita mate. Maibé Jesus dehan iha lalehan la iha ona relasaun humana tanba ema moris eternamente nakonu ho Maromak Nia glória.
- · Jesus dehan katak Nia mak Maromak ba ema moris no ema mate, ohin no ba nafatin. Qualidade ita nia moris ohin nian mak sai sasukat ba qualidade ita nia relasaun ho Na’i Maromak. Hakle’an relasaun lor-loron.