DGEMs

Maluk sira mak Kristu hadomi,

“Maksalak-kompaisaun”: Iha evangelho ohin, ema farizeu no escriba sira krítika Jesus tan Nia ba han hamutuk ho kobrador imposto sira. Maibé Jesus metin nafatin ho Nia komprimisu ba Nia misaun atu salva maksalak sira, hatudu respeitu nebé boot no laran-luak ba sira.  Reflete; “reza ba graça sabedoria Jesus nian; atu hatene oinsa hodi rejeita sala sira hotu, maibé hadomi maksalak sira nudar Maromak oan.

Pe. Philip Heng, S.J.

Bibi nebe lakon

1Publikano no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e: 4“Imi ida nebe mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida nebe lakon to’o hetan nia? 5Hetan tiha, nia tau bibi ne’e ho ksolok iha nia kbaas. 6To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basa ha’u hetan fali ona ha’u nia bibi nebe lakon.’ 7Ha’u dehan ba imi katak iha lalehan sei haksolok tamba ema maksalak ida nebe hakribi nia sala, liu fali ema diak sia nulu resin sia nebe la kuran atu hakribi sala.”