31ª Semana tempo comum: Segunda-feira, dia 31 fulan Outubro, 2022 October 31, 2022
Reflection on the WORD
Maluk sira mak Kristu hadomi,
"Generozidade lolos": iha Evangelho ohin, Jesus proklama ba ema Farizeus sira katak "generozidade" lolos existe wainhira sira bele konvida ema kiak sira, aleijado sira, ema bilan no matan delek sira tamba sira sei labele fó fali “boas açãos” ka asaun karitativa sira ne’ebé sira simu. Reflete: ita nia “boas ações” ka asaun karitativa sira mai husi ita nia generozidade no ita fó tamba ita nia domin ba Maromak? Keta ita halo asaun karitativa sira tamba de’it ita hakarak glorifika ita-an hodi hakarak sai famozu no popular iha ita nia sociedade?”
Pe. Philip Heng, S.J.
Lk 14:12-14
12Tuir mai Jesus dehan ba ema ne’ebé konvida Nia: “Wainhira o halo festa, keta konvida o nia belun sira, o nia maun alin sira, o nia parenti sira ka o nia maluk riku sira; keta sira ne’e konvida fali o, nune’e sira selu fali o. 13Maibe, wainhira o halo festa, konvida ema kiak sira, ema kbiit laek sira, ema ain aat sira no ema matan delek sira. 14O sei hetan ksolok, basa sira ne’e la iha buat ida atu selu fali o; o sei simu o nia kolen wainhira ema diak sira sei moris hi’as.”
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus dehan ba ita katak kuandu ita halo festa ruma iha ita nia festa, ita presiza konvida ema sira ne’ebé aleijados, ema kiak sira, ema idozo sira no ema migrantes sira.
- · Saida mak impede ha’u atu simu dezafiu ne’ebé Jesus hakarak ha’u ultrapassa? Keta tamba ha’u nia tauk sira, pre-conceito sira ka ha’u nia necessidade sira hodi lakohi atu kria espasu ba ema seluk atu tama iha ha’u nia uma, no konvida de’it ema sira ne’ebé sei bele selu fali ha’u nia laran luak sira?
- · Jesus dehan ba ita katak ema kiak sira no ema sira ne’ebé mak aleijado, sira mos Maromak nia oan. Entaun, ha’u bele simu sira hanesan ha’u nia maun-alin-feton ka la’e?