DGEMs

Maluk sira mak Kristu hadomi,

"Zaqueio nia fiar" – hanesan Modelo ida: iha Evangelho ohin, Jesus gava ka elogia Zaqueio, nia kobrador de impostos ida, tamba Zaqueio nia fiar ne’ebé exemplar lós: nia iha dezeju makas atu konhece Jesus, nia prontu atu arrepende ba sala sira ne’ebé nia halo ona no nia prontu atu selu fila fali sira ne’ebé uluk nia komete iregularidade ka na’ok sira nia riku-soin balun. Nia prontu atu selu quatro vezes no nia sei fó metade husi ninia propriedade ba sira ne’ebé mak kiak no mukit. Reflete: “wainhira ita arrepende husi ita nia pekadu sira, ita halo ida ne’e ho sériu no arrependimento profundu hanesan Zaqueio ka la’e?”.

Pe. Philip Heng, S.J.

2Iha ema ida naran Zaqueio. Nia publikanu sira nia ulun, no nia ema riku ida.  3Nia buka namanas atu hare Jesus, maibé la bele tamba ema barak, basa nia ain badak. 4Nia halai ba oin hodi sa’e ba ai ida atu hare Jesus, ne’ebé sei liu housi neba. 5To’o tiha fatin neba, Jesus foti matan hodi dehan: “Zaqueu, tun mai lalais, basa ohin Ha’u sei hela iha o nia uma.” 6Nia tun kedas hodi simu Jesus ho ksolok boot. 9Jesus dehan ba nia: “Ohin maksoin tama iha uma ne’e, tan ema ne’e mos Abraão nia oan; 10basa Oan Mane mai buka hodi soi sira ne’ebé la’o lakon dalan.”