DGEMs

Maluk sira mak Kristu hadomi,

"Humildade ne’ebé los" – Fiar: iha Evangelho ohin, Jesus ko’alia kona-bá aiknanoik kona-bá ema Farizeu ida no ema kobrador de imposto ida” hodi explika oinsa ita bele moris tuir ita nia fiar ho  humildade lolos hodi la justifika-an iha Maromak nia oin. Reflete: "wainhira ita monu ba sala, ita harohan ba Maromak ne’ebé nakonu ho Mizerikórdia no humildade ka ita nia orgulhozo sira impede ita atu bele iha rekonsiliasaun ho Maromak”?.

Pe. Philip Heng, S.J.

9Hafoin Nia haktuir tan aiknanoik ida ne’e ba ema balun ne’ebé foti an hodi hanoin katak sira ema santu, no hakribi ema seluk: 10“Ema na’in rua sa’e ba templu atu harohan: ida fariseu, ida seluk publikanu. 11Fariseu ne’e hamriik tiha, hodi harohan nune’e: ‘Na’i Maromak, ha’u agradese Ita Boot, basa ha’u la’os hanesan ema seluk: sira mesak ema na’okten, kaanten, laran foer; ha’u la hanesan mos ema publikanu ne’e. 12Ha’u hadera an semana ida dala rua. Ha’u selu impostu housi ha’u nia rikusoi tomak.’ 13Publikano fali hamriik dook, la berani atu foti matan, maibé baku de’it nia hirus matan dehan: ‘Na’i Maromak, sadia atan ha’u, ema maksalak!’ 14Tebes, Ha’u dehan ba imi katak ema ne’e fila ba uma los ona, ida seluk lae. Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”