DGEMs

Maluk sira mak Kristu hadomi,

"Discipulado" – Fiar: iha Evangelho ohin, Jesus haruka ninia discípulo sira hodi bele ba uluk atu proklama Boa Notícia da Salvasaun nian. Jesus dehan tan katak “To’os boot duni, maibé serbisu na’in sira oit’oan de’it”. Reflete: Maromak haraik ba ita ida-ida Dom fiar nian, atu ita bele sai testemunha ba ema hotu-hotu kona-bá ita nia fiar iha Kristu. Ita kumpri ona ita nia responsabilidades sira ho Maromak, liu husi ita nia relasaun sira ho ita nia família no ema seluk?

Pe. Philip Heng, S.J.

1 Ne’e hotu tiha, Na’i fihir eskolante hitu nulu resin rua tan, hodi haruka sira rua rua atu ba uluk iha sidade no fatin sira ne’ebé Nia atu ba. 2Nia dehan ba sira: “To’os boot duni, maibé serbisu na’in sira uitoan de’it. Tan ne’e, husu to’os na’in ba atu haruka serbisu na’in sira ba Nia to’os. 3La’o ba. Ha’u haruka imi ba nudar bibi oan sira iha asu fuik sira le’et. 4Keta lori bukae, kohe eh sandalias. Keta kumprimenta ema ida iha dalan. 5Imi tama karik iha uma ida, uluk knanain dehan: ‘Dame ba uma ne’e!’ 6Iha karik ema dame na’in ida iha neba, imi nia dame sei horik ho nia; lae karik, sei fila fali ba imi. 7Hela iha uma ne’e ba, han hemu buat ne’ebé sira iha; basa serbisu na’in soi atu simu nia kolen. Keta tama uma sai uma sira.