28ª Semana tempo comum: Sábado, dia 15, fulan Outubro, 2022 October 15, 2022
Reflection on the WORD
Maluk sira mak Kristu hadomi,
"Fidelidade iha Fiar": iha Evangelho ohin, Jesus proklama ba ninia discípulo sira katak sira presiza permanese fiél ba Lia Fuan Diak Salvasaun nian iha tempu sa de’it; tamba sira nunka mesak. Maromak sempre hamutuk ho sira hodi protege no fornese saida mak sira presiza iha moris. Reflete: “oinsa ita nia fidelidade iha ita nia fiar ba Maromak, ita firme ka metin de’it iha tempu diak sira no ita nia fiar la metin ka namlele iha tempu ne’ebé ita enfrenta difikuldade ka dezafius bot balun?
Pe. Philip Heng, S.J.
Lk 12:8-12
8Ha’u dehan los ba imi katak ema ne’ebé hatene Ha’u iha ema nia oin, Oan Mane mos sei hatene nia iha Maromak nia anju sira nia oin. 9Maibé ema ne’ebé heli lia kona ba Ha’u iha ema nia oin, Maromak nia anju sira mos sei heli lia kona ba nia. 10Ema ne’ebé ko’alia aat hasouru Oan Mane, sei hetan perdua; maibé ema ne’ebé hateten aat Espiritu Santu sei la hetan perdua. 11Wainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sa imi sei hatan eh ko’alia, 12basa iha oras neba Espiritu Santu sei hanorin imi buat ne’ebé imi sei dehan.”
Today's Pointers on God's Word
As you read the passage what words, phases or meanings caught your attention?
-
· Iha Evangelho ohin, Jesus fo hanoin ita atu labele moe tamba Nia, at liu tan se ita “NEGA’ Jesus iha ita nia ‘maneira de viver’ ita nia moris lorloron nian.
- · Ita tuir de’it ema ‘multidaun’, hanesan – ita prontu atu adota estilu de vida, atitudes ne’ebé la hatudu katak ita mos seguidores de Kristu. Ho ida ne’e, ita ‘NEGA’ ita nia Na’i Jesus iha ita nia moris.
- · Ita bele husu ita nia-an: ita moris tuir duni mensagem Salvasaun Kristu nian hodi bele sai testemunhu diak ba ita nia maluk Kristaun sira seluk no mós sira ne’ebé la fiar Maromak? Lori reflesaun sira ne’e ba orasaun hodi konversa ho Maromak no tenta atu eskuta ka rona oinsa mak Maromak responde ba ita nia pergunta ida ne’e.