DGEMs

Maluk sira mak Kristu hadomi,

"Evangelho ninia Verdade – Dolorosa": iha Evangelho ohin, Jesus denunsia ka ko’alia hasouru farizeu sira no ema advogado da lei sira kona-bá sira nia prátika hipókrita tamba sira gosta “glorifika-an” hodi dehan katak sira mak besik liu Maromak. Reflete: ita bele husu ita-an, se ita moris tuir dunik ita nia fiar kristan ho sinceridade iha ne’ebé Maromak mak sai centru no objetivo iha ita nia moris. Tamba ne’e, ita presiza dedika-an no entrega-an ba ita nia involvimentu sira hodi glorifika no serbí de’it Maromak nia reinu no ninia povo.

Pe. Philip Heng, S.J.

42Maibé susar ba imi, fariseu sira, ne’ebé selu impostu ruku, salsa no modo tomak nian, maibé haluha justisa no domin ba Maromak! Halo duni buat ne’e ba, maibé keta haluha buat seluk. 43Susar ba imi, fariseu sira, ne’ebé gosta tur iha fatin uluk iha sinagoga no haksolok wainhira ema kumprimenta imi iha basar. 44Susar ba imi, basa imi hanesan rate sira ne’ebé ema la hare no ema sama tamba sira la hatene!”

45Doutor ukunfuan nian ida simu hodi dehan: “Mestre, wainhira Ita ko’alia hanesan ne’e, Ita hateten aat mos ami.” 46Nia hatan: “Susar mos ba imi, doutor ukunfuan sira nian, basa imi tau naha todan liu ba ema, maibé imi rasik la book limanfuan ida mos atu foti nia.