DGEMs

Maluk sira mak Kristu hadomi,

"Gratidão – Fiar: iha Evangelho ohin, Jesus kura ema moras lepra nain 10, maibé entre sira ne’e, só ema samaritanu ida mak expressa ninia profunda gratidão ho humildade ba Jesus. Jesus gava ka elogia nia tamba nia hatene agradece. Reflete: dalaruma Jesus sente laran moras ka ‘menyesal’ lós ho ita tamba Nia sempre abençoa ita, kuida ita no perdua ita inkondisionalmente, maibé ita nia gratidão ba Nia sei iha nivel superficial até ita haluhan tan atu agradece grasa sira ne’ebé ita simu husi Na’i.

Pe. Philip Heng, S.J.

Ema moras lepra na’in  sanulu

            11Jesus liu housi Galileia no Samaria atu ba Jerusalem. 12Wainhira nia tama dau-daun ba knua ida, ema moras lepra na’in sanulu mai hasouru Nia. 13Housi dook sira hasa’e lia dehan: “Jesus, mestre, sadia atan ami!” 14Hare tiha sira, Nia dehan ba sira: “Imi ba hatudu imi an ba amlulik sira.” La’o tuir dalan, sira sai mos ona. 15Sira ida, hare katak nia isin diak fali ona, fila fali hodi hahi Maromak ho lia maka’as; 16nia taka oin ba rai besik Jesus nia ain hodi agradese. Ema ne’e Samaritanu ida. 17Jesus dehan ba nia: “La’os ema na’in sanulu mak sai mos? Sira na’in sia iha nebe? 18Sira ida la fila mai atu fo gloria ba Maromak, mak ema malae ne’e deit?” 19Hafoin Nia dehan ba ema ne’e:  “Hamriik, la’o ba! O nia fiar mak soi o!”