DGEMs

Maluk sira mak Kristu hadomi,

Orasaun do Rosário – Fiar: ohin ita selebra Festa de Nossa Senhora do Rosário. Ita agradese Maromak, agradese ita nia Inan Maria no agradese mos ba Igreja ne’ebé haraik mai ita dom divinu sira hanesan Orasaun do Rosário ne’ebé ajuda ita atu aprofunda ita nia fiar no hametin ita nia relasaun ho Jesus Kristu. Reflete: ita comtempla mistério sira kona-bá Jesus nia moris atraves de reza tersu hodi tulun ita kria relasaun diak ho Nia iha ita nia orasaun no reza terço sira?

Pe. Philip Heng, S.J.

Anju Gabriel fo hatene ba Maria katak Jesus atu moris

            26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu nebe atu moris sei hanaran An ‘Maromak nia Oan.’38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.