26ª Semana tempo comum: Santa Teresa do Menino Jesus; Sábado, dia 01, fulan Outubro, 2022 October 1, 2022
Reflection on the WORD
Maluk sira mak Kristu hadomi,
"Humildade – Fé": Iha Evangelho ohin, Jesus proklama katak labarik ida, nia laiha valor ka status social. Jesus, mesmo Nia mak Salvador ba humanidade, Nia identifika-an ho labarik sira iha sira nia ‘humildade’. Tamba ne’e, ita presiza relasiona ho labarik sira ho humildade no respeitu. Reflete: “Ha’u iha humildade hanesan Kristu nian iha ha’u nia moris lorloron ka la’e?”
Pe. Philip Heng, S.J.
Mt 18:1-5
Se Mak Boot Liu
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema nebe haraik an hanesan labarik ne’e, nia mak boot liu iha reinu lalehan. 5Ema nebe simu labarik ida hanesan ne’e tan Ha’u nia naran, nia simu Ha’u.
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus uza labarik ida hanesan modelu atu moris tuir Evangelho ne’ebé Nia haklaken ba ita tamba labarik sira nia natureza mak humilde, confiante no sira depende ba ema adultu sira.
- · Se ita hakarak sai seguidores Kristu nian, servi Nia signifika ita presiza esforsa-an atu glorifika Nia iha buat hotu ne’ebé mak ita halo ka involve-an ba. Atu realiza ida ne’e, ita presiza luta nafatin hodi hasouru ka enfrente valores sekulares hanesan poder, fama no buka lukru ne’ebé dalabarak halo ita senti katak valores hirak ne’e mak importante liu iha mundu ne’e.
- · Mai ita buka nafatin Espíritu Santu nia ajuda atu Nia bele orienta no fortalese ita nia jornada moris nian ne’ebé nakonu ho tentasaun no dezafius.