DGEMs

Maluk sira mak Kristu hadomi,

“Konfia iha Maromak”: Iha evangelho ohin nian, Pedro obedese no konfia iha Jesus totalmente, no kaer ikan ho milagre boot. Reflete; ita nia konfiansa iha Jesus kle’an hanesan Pedro nian ka la’e? Ita iha esperansa falsa atu moris kontente no moris naruk liu-husi “Seguransa Falsa” materialismu? Sira halo ita matan delek konfia Maromak ho fuan tomak?

Pe. Philip Heng, S.J.

4Koalia hotu tiha, Nia dehan ba Simao: “Tama liu ba tasi laran no soe dai ba!” 5Simao hatan, “Mestre, ami serbisu tiha kalan tomak, la kaer buat ida. Maibé, tan Ita mak dehan, ha’u sei soe duni dai.” 6Wainhira sira halo nune’e, sira kaer ikan barak teb-tebes, dai besik atu nakles. 7Sira leok liman hodi bolu maluk sira iha ro seluk atu mai tulun sira. Sira mai duni, hodi halo ro rua nakonu di-diak besik atu mout. 8Hare tiha ne’e, Simao Pedro monu ain ba Jesus, hodi dehan: “Na’i, hadook An housi ha’u, tan ha’u ema maksalak ida!” 9Tebes duni, nia ho nia maluk sira seluk hakfodak tamba ikan barak ne’ebé sira kaer. 10Simao nia maluk sira, katak Joao no Tiago, Zebedeu nia oan sira, sira mos hakfodak. Jesus dehan Simao: “Keta tauk; houri ohin ba oin o sei kaer ema.” 11Dada tiha ro ba tasi ibun, sira husik buat hotu hodi la’o tuir Jesus.