DGEMs

Maluk sira mak Kristu hadomi,

“Hirus ho odiu - Fiar”: Iha episodiu evangelho loron ohin nian, João Batista mate tamba herodias hirus ho odiu no halo vingansa ba João ne’ebé hatudu herodiana nia moris adulteira no pecado hamutuk ho liurai Herodes. Reflete: hirus ho odiu bele lori ema ba pecado ne’ebé sai todan liu. Reza atu bele iha sabedoria atu perdua no moris iha lialos Maromak nian ne’ebé lori “dame, ksolok, no domin” 

Pe. Philip Heng, S.J

            Wainhira Herodiade nia oan feto mai dansa, nia fo ksolok boot ba Herodes ho nia maluk sira ne’ebé tur iha meja. Tan ne'e, liurai dehan ba feto ne'e, “Husu buat naran de’it ne’ebé o hakarak, Ha’u sei fo ba o.” Nia dehan tan hodi jura, “Ha’u sei fo buat naran de’it ne’ebé o sei husu, maski ha’u nia reinu nia sorin balun ida.” Feto ne'e sai hodi husu nia inan, “Ha’u sei husu sa los?” Nia hatan, “Joao Baptista nia ulun.” Feto ne'e halai kedas ba liurai hodi hateten, “Ha’u hakarak katak ita boot fo mai ha’u, ohin kedas, Joao Baptista nia ulun iha bandeja ida.” Liurai laran susar teb-tebes tan nia juramento no mos tamba nia maluk sira, nia lakohi la halo tuir nia. Nune’e, liurai haruka kedas soldadu ida atu lori Joao nia ulun. Ema ne’e la’o ba hodi tesi Joao nia ulun iha dadur laran. Tuir mai, nia lori fali ulun ne'e iha bandeja ida nia laran hodi fo nia ba feto. Feto ne'e fo fali nia ba nia inan.