DGEMs

Maluk sira mak Kristu hadomi,

“Natanael nia Fiar”: Iha evangelho loron ohin nian, Jesus hahi Natanael ba nia fiar simples ne’ebé nakloke ba Jesus no nakono ho zelo atu buka Maromak nia salvasaun. Reflete kona-bá ne’e, ita mós moris iha fiar ne’ebé nakloke-an ba Jesus nia lialos ka ita buka justifika de’it ita fiar ne’ebé kuran no integridade moral, hodi buka fó razaun atu ses no fó sala ema seluk ba maneira moris ne’ebé ita hala’o?

Pe. Philip Heng, S.J

Filipe hare Natanael hodi dehan ba nia: “Ami foin hetan Ida ne’ebé Moises iha Ukunfuan no profeta sira fo sai nanis, katak Jesus, Jose nia oan, housi Nazare.” Natanael dehan ba nia: “Housi Nazare buat diak ida bele mosu?” Filipe hatan ba nia: “O mai hare.” Hare Natanael hakbesik ba Nia, Jesus dehan kona-bá nia: “Ida ne’e mak ema Israel lo-los, iha nia la iha lia bosok!” Natanael husu ba Nia: “O hatene ha’u oin sa?” Jesus hatan: “Molok Filipe bolu o, Ha’u hare ona o iha ai figueira okos.” Natanael dehan fali: “Rabbi, Ita mak Maromak nia Oan Mane, Ita mak Israel nia Liurai!” Jesus hatan: “Tan Ha’u hateten ba o katak Ha’u hare ona o iha ai figueira okos, mak o fiar? O sei hare buat boot liu fali ida ne’e.” Hafoin Jesus dehan ba nia: “Tebes, Ha’u dehan ba imi: imi sei hare lalehan nakloke, ho Maromak nia anju sira sa’e no tun ba Oan Mane.”