DGEMs

Maluk sira mak Kristu hadomi,

“Nain Feto nia Koroasaun” - Fiar: Wainhira ita selebra Nain Feto Maria nia festa, ita hamutuk iha momento importante ida atu haklaken no fó sasin moris nian kona-bá Divinidade, Liurai ukun nain no Glória Jesus nian hanesan Inan Maria nia Oan mane. Reflete kona-bá ne’e, “Maria sempre kuida no hadomi ita, hodi lori ita ba nia Oan manene’ebé obedese Nia Aman nia Hakarak. Agradese ba Maria tamba Nia domin Inan nian no Nia kuida ba ita.     

Pe. Philip Heng, S.J

Iha fulan neen, Maromak haruka anju Gabriel ba knua ida Galileia nian, naran Nazare, ba fetoran ida ne’ebé hakotu tiha ona ba mane ida naran Jose, housi David nia umakain; fetoran ne’e naran Maria.

Tama tiha iha uma, anju dehan: “Rahun diak, feto kmanek wa’in tebes! Na’i ho ita!” Rona tiha lia ne’e, nia laran taridu hodi husu ba nia an rasik kumprimentu ne’e katak sa los. Anju dehan ba nia: “Keta tauk, Maria; basa o hetan rahun diak tebes iha Maromak futar oin. O sei ko’us no tur ahi oan mane ida. O sei hanaran Nia Jesus. Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. Maria husu ba anju: “Ne’e sei sai oin sa los, basa ha’u la hola mane?” Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu ne’ebé atu moris sei hanaran An ‘Maromak nia Oan.’ Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.