DGEMs

Maluk sira mak Kristu hadomi,

“Fiar ne’ebé loko-an”: Iha evangelho loron ohin nian, Jesus fó hanoin ba fiar nain sira atu la bele moris iha fiar ne’ebé loko-an, ne’ebé mak morna (la forte), nakonu ho supertisaun, no hanoin katak ita hotu hetan ona salvasaun iha futuru. Reflete kona-bá ne’e, Jesus liu husi Nia Espírito Santo kontinua dudu no haruka ita atu hadomi no sai fiar nain ne’ebé lolos no kle’an liu tan ba Aman Maromak nia hakarak loron-loron. Ita nia resposta sira saida?   

 Pe. Philip Heng, S.J

Ema ida husu ba Nia: “Na’i, ema uitoan de’it mak sei hetan maksoin?” Nia hatan ba sira: “Haka’as an atu tama liu housi odamatan kloot, basa Ha’u dehan ba imi katak ema barak sei koko atu tama, maibé sei la iha kbiit. Wainhira uma na’in hader hodi taka tiha ona odamatan, imi sei hamriik iha liur hodi tuku odamatan dehan: ‘Na’i, loke mai ami!’ Nia sei hatan: ‘Ha’u la hatene imi mai housi ne’ebé.’

Iha neba ema sei ru’un nehan hodi tanis, wainhira imi sei hare Abraao, Isaac, Jacob no profeta sira hotu iha Maromak nia reinu, maibé ema sei duni sai imi ba liur. Ema sei mai housi loromonu no lorosa’e, housi tasimane no tasifeto, no sira sei tur han iha Maromak nia reinu. Sira ne’ebé ohin ikus sei sai uluk; no sira ne’ebé ohin uluk sei sai ikus fali.”