DGEMs

Maluk sira mak Kristu hadomi,

“Liafuan no hahalok”- Fiar: Iha evangelho loron ohin nian, Jesus haklaken, “ Imi rona eskriba no fariseu sira, maibé la bele halo tuir bu’at ne’ebé sira halo, basá sira la tau iha pratika buat sira ne’ebé sira haklaken. Hanoin kona-bá ne’e, ita mós moris iha fiar ne’ebé superficial de’it iha ne’ebé ita dehan hodi afirma ita nia domin ne’ebé bo’ot ba Maromak de’it, maibé ita nia hahalok hatudu iha ita moris katak ita buka halo ita-nia an sai sentro (egoismo) no buka diak de’it ba ita nia-an rasik?    

Pe. Philip Heng, S.J

Tuir mai Jesus koalia ba ema lubun boot no ba nia eskolante sira dehan: “Eskriba no fariseu sira tur iha Moises nia kadeira. Ne’e duni, simu ba hodi halo tuir buat hotu ne’ebé sira dehan ba imi; maibé keta tuir sira nia hahalok, basa sira koalia maibé la halo.

Imi fali, keta husik ema hanaran imi ‘Rabbi’, basa imi nia Mestre ida de’it, no imi hotu mesa maun alin. Keta bolu ema ida aman iha rai, basa imi nia Aman ida de’it, ne’ebé iha lalehan. Keta husik ema hanaran imi doutor, basa imi nia doutor ida de’it: Kristu. Ida ne’ebé boot liu iha imi le’et sei sai imi nia atan. Ida ne’ebé foti an, Na’i sei hatun nia; ida ne’ebé haraik an, Na’i sei hahi nia.”