DGEMs

Maluk sira mak Kristu hadomi,

“Iha fiar hanesan labarik ida nian”: Iha evangelho loron ohin nian, Jesus haklaken katak: fiar ida nebé hanesan ho fiar labarik nian mak fiar nebé bo’ot liu iha reino lalehan.” Reflesaun; “Jesus hatene katak ita hotu mesak sala nain nune’e ita hotu persiza Nia sadia no domin perdaun nian. Iha fiar hanesan labarik ida nian katak tenki iha mós fuan nebé nakloke total, sincerio no haraik-an buka nafatin Maromak nia hakarak.

Pe. Philip Heng, S.J

Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” Nia bolu labarik ida, tau nia iha sira klaran hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. Ne’e duni, ema nebé haraik an hanesan labarik ne’e, nia mak boot liu iha reinu lalehan. Ema nebé simu labarik ida hanesan ne’e tan Ha’u nia naran, nia simu Ha’u.

                      “Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.