DGEMs

Maluk sira mak Kristu hadomi,

Fiar- Fidelidade no haraik-an: Iha evangelho loron ohin nian, feto canaanita ida husu ba Jesus ho fiar nebé bo’ot no haraik-an, hodi Jesus atu duni sai demônionebé hela iha nia-oan feto. Jesus haraik duni buat nebé feto ne’e husu. Reflete kona-bá ne’e: ita bele husu tok ba ita nia-an. Se Ita mós husu duni ba Jesus ba ita nia presiza sira ho fiar nebé kle’an no haraik an, ka ita reja ho fuan baluk de’it no la valoriza Jesus nia Domin boot ne’e.

Pe. Philip Heng, S.J.

Sai tiha housi neba, Jesus liu ba rai Tiro no Sidonia nian. Iha oras neba feto Kanaan ida nebé mai housi rai neba hahu hakilar dehan: “Na’i, David nia Oan, sadia ha’u: diabu fo terus boot ba ha’u nia oan feto.” Maibé Nia la hatan lia fuan ida. Eskolante sira hakbesik ba Nia hodi husu: “Hatan tiha ba nia ba, basa nia hakilar bei-beik tuir ita.” Nia hatan: “Ha’u mai de’it ba bibi sira nebé lakon housi umakain Israel nian.” Maibé feto ne’e mai hakneak iha Nia oin dehan: “Na’i, tulun ha’u!” Nia simu: “La diak hasai oan sira nia aihan hodi soe fali ba asu oan sira!” Feto ne’e dehan fali: “Ne’e los duni, Na’i; maibé asu oan sira mos han etu mumun nebé monu housi sira na’in nia meja.” Jesus hatan ba nia: “Feto, o nia fiar boot tebes! Halo duni tuir o hakarak ba.” Iha oras neba, nia oan feto hetan fali isin diak.