DGEMs

Maluk sira mak Kristu hadomi,

Jesus nia konvite – Fiar: Iha evangelho loron ohin nian, Jesus dehan ba Pedro no nia apóstolos sira seluk, “koragem, ne’e Ha’u; labele tauk. Reflesaun; “Jesus konvida ita lor-loron atu bele iha koragem nebé bo’ot liu tan atu konfia iha Nia domin nebé proteje, kuida, haforsa no fó bensaun wain ba ita iha nia desezu sira atu moris tuir liafuan diak. Husu tok ba ita nia-an, se ita fó duni sasin moris ba liafuan diak ho fidelidade no koragem?

Pe. Philip Heng, S.J.

Tuir mai Jesus haruka eskolante sira sa’e ro hodi ba uluk tasi sorin ba; Nia fali haruka ema lubun fila ba uma. Haruka tiha sira ba uma, Nia sa’e ba foho atu harohan mesa-mesak. To’o kalan fahe ba haat, Nia hakbesik ba sira hodi la’o iha tasi leten. Hare tiha Nia la’o iha tasi leten, eskolante sira tauk hodi dehan: “Rai na’in ida!” Sira hakilar ho tauk. Jesus koalia kedas ba sira dehan: “Hakmatek ba! Ha’u mak ne’e: keta tauk!” Ne’e duni Pedro hatan dehan: “Na’i, Ita Boot mak neba karik, haruka ha’u ba to’o Ita Boot housi laloran leten.” Ne’e duni, Jesus simu: “Mai!” Pedro tun housi ro hodi la’o iha laloran leten atu ba to’o Jesus. Maibé, hare anin hu’u maka’as, nia tauk hodi hahu mout. Nia hakilar. “Na’i, soi ha’u!” Jesus lolo liman kedas ba nia hodi kaer nia dehan: “Ema fiar kiik, tansa o laran namlele?”