DGEMs

Maluk sira mak Kristu hadomi,

Jesus nia Domin Compassivo: Iha evangelho ohin nian, Jesus fó han ema lubun bo’ot; mane rihun lima nulu nebé hamlaha, la sura feto no labarik sira ho de’it paun fuan lima no ikan rua. Reflesaun; Reflete kona-bá domin compassivo Jesus nian ne’e, la’os haraik de’it sasan sira nebé ita precisa, maibé liu fali sasan hirak ne’e Nia haraik ba ita deseja profunda nesecidade hamlaha no hamrok, ba buat nebé ita nia espírito precisa iha ita nia moris. Necessidade hanesan ne’e lori liutan mai ita paz nebé profundo no ksolok iha ita nia moris.   

Pe. Philip Heng, S.J.

Nune’e wainhira tun housi ro Jesus hare ema barak lubun ne’e, Nia hanoin teb-tebes sira hodi fo isin diak ba sira nebé moras. Loraik dau-daun ona, eskolante sira hakbesik ba Nia hodi dehan: “Fatin ne’e rai fuik, no kalan besik ona; haruka ema sira ne’e ba ona, atu sira bele sosa aihan iha knua sira.” Nune’e Jesus dehan ba sira: “Sira lalika ba; imi rasik fo han sira ba.” Sira hatan ba Nia: “Ami iha de’it paun fuan lima no ikan rua” “Lori sira mai,” Nia dehan. Hafoin Nia haruka ema lubun boot tur iha du’ut leten. Nia kaer paun fuan lima no ikan rua ne’e, foti matan ba lalehan hodi fo bensa. Tuir mai Nia silu paun sira ne’e hodi fo ba eskolante sira; hafoin sira fahe ba ema lubun boot. Sira hotu han to’o bosu; baluk sira nebé resin, sira tau ba luhu sanulu resin rua nakonu! Ema sira nebé han hamutuk mane rihun lima, la sura feto no labarik sira.