DGEMs

Maluk sira mak Kristu hadomi,

“Serbí Na’i Maromak - Fiar”: Evangelho fó hanoin katak ita bele serbí Na’i Maromak ho hanoin diak, maibé ita mós bele monu ba tentasaun atu buka lukro ba ita nia-an no ba ita nia gloria. Na’i Jesus fó hanoin ninia eskolante sira, “Na’i Maromak nia Oan mai atu serbí ba ema hotu nia diak maibé la’os atu ema serbí Nia.” Saida mak Na’i Jesus dehan ba ha’u agora, kona-bá ha’u nia lalaok serbí nian?

Pe. Philip Heng, S.J

21Jesus husu ba nia: “Ita hakarak sa ida?” Nia hatan: “Ita boot haruka atu atan nia oan mane rua ne’e ida tur iha Ita nia sorin kuana, ida iha Ita nia sorin karuk iha Ita boot nia reinu.” 22Jesus dehan: “Imi la hatene buat nebe imi husu ne’e. Imi bele hemu kalis nebe Ha’u atu hemu?” Sira hatan: “Ami bele.” 23Nia dehan fali ba sira: “Tebes duni, imi sei hemu Ha’u nia kalis; maibe tur iha Ha’u nia sorin kuana eh karuk, ne’e la’os Ha’u mak fo; ne’e ba sira nebe Ha’u Aman hadia hela.”

25Jesus bolu sira hodi dehan ba sira: “Imi hatene katak na’i ulun gentiu sira nian ukun povu hodi kbiitt. 26Imi sei la halo hanesan ne’e; maibe iha imi le’et se mak hakarak sai boot, nia sei sai imi nia atan; 27no ida nebe hakarak sai uluk, nia sei sai imi nia atan. 28Hanesan Oan Mane mai, la’os atu ema serbi Nia, maibe atu serbi no saran nia moris atu soi ema barak.”