17ª Semana tempo comum: Domingo, dia 24, fulan Julho, 2022 July 24, 2022

Reflection on the WORD

Maluk sira mak Kristu hadomi,

“Na’i Jesus hanorin atu halo orasaun”: Iha Evangelho ohin nian, Na’i Jesus hanorin eskolante sira atu halo orasaun “Ami Aman”. Reflete; “orasaun ida ne’e buka atu hatene Aman Maromak nia hakaran iha ita ida-idak nia necessidade moris nian, liu-liu atu perdua no hakat liu husi tentasaun no teste iha ita nia fiar, hodi bele metin los iha ita nia orasaun, hanesan Na’i Maromak nebé nunka falha iha Nia promessa sira ba ita. Ita nia orasaun sira saida? 

Pe. Philip Heng, S.J

Lk 11:1-6,8-9

Jesus hanorin atu hamulak

1Loron ida, Nia harohan iha fatin ida. Hotu tiha, nia eskolante ida hateten ba Nia: “Na’i, hanorin ami atu harohan hanesan Joao Baptista hanorin nia eskolante sira.” 2Nia dehan ba sira: “Wainhira imi harohan, hateten nune’e: ‘Aman, tulun ema atu hahi Ita naran. Halo Ita nia reinu to’o mai ami. 3Haraik aihan loron loron nian mai ami. 4Haraik perdua mai ami sala, nudar ami perdua ema nebe halo aat ami. Labele husik ami monu ba babeur.’” 5Nia dehan tan ba sira: “Imi ida iha belun ida karik nebe iha kalan boot ba hateten ba nia: 6 ‘Belun, fo netik paun fuan tolu  mai, basa ha’u nia belun foin to’o mai housi dook no ha’u la iha buat ida atu fo ba nia.’ 8Ha’u dehan ba imi katak, maski nia sei la hader hodi fo tamba sira belun malu, nia sei fo duni buat hotu nebe nia belun kuran tamba nia husu fila fila. 9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi.

Today's Pointers on God's Word

As you read the passage what words, phases or meanings caught your attention?

  • ·       Na’i Jesus hanorin ita atu tau fiar metin nafatin wainhira ita harohan ba Aman Maromak iha orasaun. Na’i Jesus encoraja ita harohan hodi sustenta ita nia moris lor-loron, perdoa no hetan perdaun, salva husi tentasaun excessiva sira.

  • ·       Maibé, Na’i Jesus garantia ita katak sa de’it mak ita hotu ba Nia Aman, Aman sei haraik, “buka no sei hetan”; tuku no odamatan sei loke ba ita”.
  • ·       Wainhira ita relata ho Na’i Maromak, ita relata ho Pessoa absoluto ida nebé todo-poderoso no Nia domin ba ita incondicional. Ho nune’e, ita hetan garantia katak Na’i Maromak sei simu tuir ita nia-an ida lolos. Nia hatene ita nia necessidade sira, maibé Nia espera ita atu husu ba buat nebé ita precisa. Maibé, Na’i Maromak sei fo duni ba ita buat nebé diak liu ba ita no ba ita nia salvasaun.