DGEMs

Maluk sira mak Kristu hadomi,

“Na’i Maromak nia domin ba ita ida-idak”: Iha Evangelho ohin nian, Kristu ressuscitado bolu “Maria” tuir nia naran rasik no Maria reconhece Kristu. Reflesaun; “Na’i Maromak iha domin wain ba ita ida-idak. Na’i Maromak hatene ita nia hakarak, kanek, ksolok no esperança sira iha moris ne’e. Hanesan Maria Madalena, ita reconhece no ‘hasoru’ Na’i Jesus iha ita nia orasaun, kanek no ksolok sira iha ita nia-an no ema seluk nia moris?”

Pe. Philip Heng, S.J.

Jesus mosu ba Maria Madalena

11Maria fali hamriik besik rate iha liur hodi tanis. Nia sei tanis hela, nia hakru’uk hodi hateke ba rate laran. 12Nia hare anju na’in rua hatais mutin tur iha fatin nebe sira tau Jesus nia isin, ida iha ulun, ida iha ain. 13Sira dehan: “Feto, tansa o tanis?” Nia hatan ba sira: “Basa ema lori tiha ha’u nia Na’i no ha’u la hatene sira tau Nia iha nebe.” 14Dehan tiha liafuan hirak ne’e, nia fila ba kotuk hodi hare Jesus hamriik iha neba, maibe nia la hatene katak ne’e Jesus. 15Jesus dehan ba nia, “Feto, tansa o tanis? O buka se?” Hanoin katak Nia mak to’os na’in, Maria husu fali: “Na’i, ita lori Nia karik, hateten to’ok mai ha’u ita tau Nia iha nebe atu ha’u bele ba lori Nia.” 16Jesus dehan: “Maria!” Nia fila hodi dehan ba Jesus iha lia ema Ebreu nian: “Rabboni!” katak Mestre. 18Ne’e duni, Maria Madalena ba hateten ba eskolante sira: “Ha’u hare ona Na’i;” no nia hateten ba sira katak Nia dehan buat sira ne’e ba nia.