14ª Semana tempo comum: Sábado, dia 9, fulan Julho, 2022 July 9, 2022
Reflection on the WORD
Maluk sira mak Kristu hadomi,
“Coragem iha fiar”: Iha Evangelho ohin nian, Na’i Jesus garantia ninia eskolante atu “lebele tauk ba sira nebé bele oho isin maibé labele ohin klamar. Ha’u sei hatudu sai Ha’u-an ba nia iha Há’u Aman nia oin.” Reflesaun; “Ita tau fiar tomak ba Na’i Maromak ou ita husik desafios no krus sira atu desanima nomós hafraku ha’u nia fiar?
Pe. Philip Heng, S.J.
Mt 10:28-33
Tauk deit Maromak
28“Keta tauk ema sira nebe oho isin lolon, maibe la bele oho klamar. Maibe tauk ba ida nebe bele halo lakon isin no klamar hotu iha infernu. 29Manu oan rua la fa’an ba doit ida? Maibe sira ida la monu ba rai wainhira imi Aman la husik. 30Imi nia fuuk iha ulun mos sura hotu. 31Ne’e duni, imi keta tauk, basa imi folin liu manu oan barak.”
32“Ne’e duni, ema nebe fo sasin karik kona ba Ha’u iha ema seluk nia oin, Ha’u mos sei sasin kona ba nia iha ha’u Aman nebe iha lalehan nia oin. 33Maibe ema nebe nega Ha’u iha ema nia oin, Ha’u mos sei nega nia iha ha’u Aman nebe iha lalehan nia futar oin.”
Today's Pointers on God's Word
As you read the passage what words, phases or meanings caught your attention?
-
· Iha Evangelho ohin nian, Na’i Jesus garantia ita katak Aman Maromak sei tau matan ba ita husi buat aat no sira nebé sei halo aat ita nia moris basá ita hotu folin boot iha Na’i Maromak nia futar oin.
-
· Ho nune’e, ita ida-idak bolu atu metin nafatin wainhira moris tuir ita nia fiar iha Na’i Maromak ho fidelidade nebé boot no “fó hatete sai Na’i” iha ita nia moris lor-loron nian.
-
· Maiske Na’i Maromak iha domin rohan laek ba ita ema, ita labele haré Na’i hanesan buat folin laek ida. Se ita buka hases-an husi Na’i Maromak liu husi ita nia lalaok sala nian, ikus mai ita sei ku’u buat nebé ita rasik kuda tiha ona.