14ª Semana tempo comum: Segunda-feira, dia 4, fulan Julho, 2022 July 4, 2022
Reflection on the WORD
Maluk sira mak Kristu hadomi,
Fiar iha Na’i Maromak – Tentasaun:Iha Evangelho ohin nian, Sinagoga nia ulun bot ida nia oan feto mate tiha ona, maibé molok Na’i Jesus halo nia moris hias, ema barak hamnasa Nia. Reflesaun; “ita tau fiar tomak iha Na’i Jesus wainhira la haré esperança iha ita nia tentasaun sira? Ita husik fiar nebé fraku atu halakon ita nia konfiansa iha Na’i Maromak nia compaixão no domin ba ita?”
Pe. Philip Heng,S.J
Mt 9:18-19,23-26
Feto moras ran suli sai. Jairo nia oan feto.
18Wainhira Jesus koalia dau-daun ba sira, nai ulun ida hakbesik ba Nia hodi monu ain iha nia oin dehan: “Ha’u nia oan feto foin mate; maibe Ita boot hiit An mai tau liman ba nia, nia sei moris.” 19Jesus hamriik hodi la’o tuir nia hamutuk ho eskolante sira.
23Wainhira Nia to’o ba na’i ulun nia uma hodi hare ema hu’u flauta no ema barak seluk book an ba book an mai, Nia dehan; 24“Imi sai tiha, labarik la mate; nia toba deit.” Sira hamnasa Nia. 25Wainhira ema lubun sai ona, Nia tama ba laran, kaer labarik feto nia liman, no labarik feto ne’e hamriik. 26Liafuan kona ba buat ne’e naklekar iha rai tomak neba.
Today's Pointers on God's Word
As you read the passage what words, phases or meanings caught your attention?
-
· Iha Evangelho ohin nian, Na’i Jesus hakbesik-an no responde ba pedido husi oficias Romano nian, basá official ne’e, la’os de’it hakbesik-an ho humildade no reverência profunda; maibé liu-liu ho konfiansa wain iha Na’i Jesus kbi’it atu kura.
-
· Oinsa ita relata ho Na’i Jesus iha ita nia orasaun nomós moris lor-loron? Ita iha humildade, reverência no konfiansa hanesan oficias Romano? Ou ita exige, orogante, no hirus wainhira ita nia orasaun sira la hetan resposta diak hanesan ita hakarak?
-
· Ita harohan husu graça humildade nian hodi simu katak ita ema criatura nebé precisa tebes Na’i Maromak nia perdaun no domin; se la ho buat hirak ne’e, ita sei sai rahun no monu ba condenação eterna ida.