DGEMs

Maluk sira mak Kristu hadomi,

Maromak nia poder no mizerikórdia: Iha evangelho ohin nian, Jesus fó-isin di’ak ba ema moras isin maten tanba nia domin kompaissivo ba ema sira ne’ebé terus, no importante liu mak nu’udar sinal Maromak ninia laran luak no domin ne’eb~e nakonu ho perdaun. Reflete; “Ita-nia fiar iha Jesus, foka liu ba ita-nia saúde, rikusoi, necessidade família nian boot liu ita nia domin ba ema seluk hanesan Jesus hatudu ona mai ita?”

Pe. Philip Heng, S.J.

Sira hatudu ba Nia ema isin mate ida, toba hela iha tobafatin ida. Hare tiha sira nia fiar, Jesus dehan ba ema moras ne’e: “Oan, aten berani ba, o nia sala sira hetan ona perdua.” Eskriba sira balun dehan iha sira nia laran: “Ema ne’e hateten aat Maromak”

            Hatene tiha sira nia hanoin, Jesus dehan ba sira: “Tansa imi hanoin aat iha imi nia laran? Ida nebe mak lalais liu atu dehan: ‘O nia sala sira hetan tiha perdua,’ ka dehan ‘O hamriik, la’o ba’? Diak, atu imi hatene katak iha rai ne’e Oan Mane iha kbiit atu kasu sala,” Nia dehan ba ema isin mate: “Hamriik ba, foti o nia hadak, la’o ba o nia uma.” Nia hamriik hodi la’o ba nia uma. Hare tiha ne’e, ema lubun tauk tebtebes hodi hasa’e gloria ba Maromak nebe fo kbiit ida hanesan ne’e ba ema sira.