Ord, Semana 13, Segunda-feira, dia 27, fulan Juñu, 2022 June 27, 2022
Reflection on the WORD
Maluk sira mak Kristu hadomi,
“Tuir Jesus” – Sai eskolante: Iha evangelho ohin nian, Jesus haklaken katak atu sai nia eskolante, discípulo sira tenki iha kompromisu, altruísmo no fiél ba Nia maske iha dezafiu difícil sira iha ita-nia moris. Reflete; “Ita-nia fiar no domin ba Jesus klean ka la’e?, ka ita defende liu ita-nia interesse rasik, ita-nia di’ak de’it, no ita-nia glória?”
Pe. Philip Heng, S.J.
Mt.8:18-22
Hare tiha ema lubun boot hale’u Nia, Jesus haruka atu hakat liu ba tasi sorin balun ba. Eskriba ida mai hasouru Nia dehan: “Mestre, ha’u sei tuir Ita ba fatin hotu nebe Ita ba.” Jesus dehan ba nia; “Laku sira iha kuak, manu sira lalehan nian iha knuuk iha; maibe Oan Mane la iha fatin atu sadere nia ulun.”
Eskolante ida fali hateten ba Nia: “Na’i, husik ha’u ba uluk lai hakoi ha’u nia aman.” Maibe Jesus hatan ba nia: “O mai tuir Ha’u ba; husik mate sira hakoi sira nia mate.”
Today's Pointers on God's Word
As you read the passage what words, phases or meanings caught your attention?
-
· Jesus hanorin ita katak wainhira ita deside atu tuir Nia, ita tenki konsiente katak iha dezafiu no susar oin-oin. Sakrifisiu sira ne’e karik obriga ita atu husik-hela ita-nia família no vida konfortável sira.
-
· Miabé, buat ne’ebé importante liu maka atu ita hatene katak ita ida de’it ho Jesus ne’ebé ita-nia mata-dalan. Nia sei sai ita-nia segurança no forsa tambá Jesus nunka failla ita.
-
· Tuir Jesus mak la’os ba ema sira ne’ebé fraku no la klaro ho moris. Entaun, ita prontu atu tuir Jesus no esperiensia nia forsa no seguransa iha ita-nia moris? Ita hahú ho atitude “husik” no laran-metin ba Maromak atu halo desizaun bazeia ba fiar. No depois, hala’o ita-nia fiar kada loron sem iha ansiedade no permiti Maromak atu haré ba ita-nia nesesidade sira.