Ord, Semana 10, Sexta-feira, dia 10, fulan Juñu, 2022 June 10, 2022
Reflection on the WORD
Maluk sira mak Kristu hadomi,
Relasaun ho Maromak: Iha evangelho ohin, Jesus haklaken ba eskolante sira katak ita-nia hanoin, liafuan no hahalok sira tenki loloos no konsistente. Wainhira kontrariu manifesta ita-nia falta domin ba Maromak. Reflete kona-bá, “Maske ita sala-nain no frajil, ita hakas-an atu sai santu/santa nu’udar Maromak hakarakmai ita, ka ita contente ho fiar ne’ebé superficial de’it?
Pe. Philip Heng, S.J.
Mt. 5:27-32
Imi rona ema dehan; ‘O keta sala ho ema nia kaben.’ Maibe Ha'u dehan ba imi; ‘Ema nebe hateke ba feto ida hodi kaan nia, nia halo ona sala foer ho nia iha nia laran.’ Ne'e duni o nia matan los lori o ba sala karik, losu tiha nia hodi soe ba dook; lakon o nia matan ida diak liu fali monu ba infernu ho o nia isin lolon tomak.”
“O nia liman los mak lori o ba sala karik, tesi tiha nia hodi soe ba dook; lakon o nia liman ida diak liu fali monu ba infernu laran ho isin lolon tomak. Ema uluk dehan tan: ‘Ema nebe soe nia feen, sei fo surat soe malu nian ba nia.’ Maibe Ha'u dehan ba imi: ‘Ema nebe soe nia feen, la’os tan sala foer, halo nia feen monu ba adulteriu, no ema nebe hola feto nebe ema soe tiha, nia mos halo adulteriu.’
Today's Pointers on God's Word
As you read the passage what words, phases or meanings caught your attention?
- Hanesan médico ida ne’ebé tesi hasai pasiente ruma ninia ain atu salva nia vida, nune’e mós ita tenki prontu atu hadook-an husi saida de’it ne’ebé lori ita ba salan no finalmente mate espiritualmente.
- Jesus hateten katak dejeju aat sira mosu husi fuan. Entaun, wainhira ita monu bebeik ba salan sira, ita tenki konsiente oinsa ita-nia emosaun domina ita-nia desizaun sira.
- Jesus fó kriteria aas ba moris kaben-nain mas kaben-nain ka klosan, Nia fó grasa no poder ba sira ne’ebé buka atu moris-tuir nia dalan ba santidade. Laran metin iha Maromak no permiti Espírito Santo atu guia ita atu moris justu no santo.