7ª Semana da Páskua: Sexta-feira, dia 3, fulan Juñu, 2022 June 3, 2022
Reflection on the WORD
“Hadomi Jesus” – Pedro: Iha evangelho ohin, Jesus husu Pedro dala tolu, “O hadomi Ha’u? Jesus husu atu Pedro reafirma ninia domin ba Jesus, depois de Pedro nega Jesus ba dala tolu. Reflete kona-bá momentu sira ne’ebé ita nia failha hadomi Jesus, ita iha humildade atu husu Maromak ninia perdaun no reafirma ita-nia domin ba Nia, duke ita subar-an iha ita-nia salan sira?
Jo. 21: 15-17, 19b
Sira han hotu tiha, Jesus husu ba Simao Pedro: “Simao, Joao nia oan, o hadomi Ha’u liu fali sira ne’e?” Nia hatan: “Tebes, Na’i, Ita hatene katak ha’u hadomi Ita.” Jesus dehan ba nia: “Fo han Ha’u nia bibi oan sira.”
Dala ida tan Nia husu: “Simao, Joao nia oan, o hadomi Ha’u?” Pedro hatan: “Tebes duni, Na’i, Ita hatene katak ha’u hadomi Ita.” Jesus dehan ba Nia: “Tau matan ba Ha’u nia bibi sira.”
Ba dala tolu Nia husu: “Simao, Joao nia oan, o hadomi Ha’u?” Pedro neon sala tan Jesus husu dala tolu ona ba nia “O hadomi Ha’u?” Nia dehan ba Nia: “Na’i, Ita hatene buat hotu, Ita hatene katak ha’u hadomi Ita.” Jesus dehan ba Nia: “Fo han Ha’u nia bibi sira. Dehan tiha lia hirak ne’e, Jesus dehan ba nia: “Tuir Ha’u mai.”
Today's Pointers on God's Word
As you read the passage what words, phases or meanings caught your attention?
- Jesus husu Pedro dala tolu, “O hadomi ha’u ka la’e?” tanba Nia hakarak Pedro konfirma fali Pedro ninia kompromisu atu hadomi Nia sem kondisaun.
- Wainhira ita lee passagem ida ne’e dala ida tan, personalizatiha no troka Pedro nia naran ho ita-nia naran.... Wainhira ita reflete kona-bá Jesus nia konvite ida ne’e, senti Maromak nia proximidade no domin ne’ebé konvida ita atu serbí nia povu sira.
- Oinsa Jesus konvida ita atu tau-matan ba Ninia bibi sira iha ita-nia uma, ita-nia komunidade, traballador estranjeiru sira, idozu no seluk-seluk tan?