5ª Semana da Páskua: Domingo, dia 15, fulan maio, 2022 May 15, 2022
Reflection on the WORD
Maluk sira mak Kristu hadomi,
“Ukun Lian-Menon nian”: Iha Evangelho ohin loron nian, nu’udar Jesus halo “despedida” ba Ninia escolante sira ne’ebé besik liu ba Nia, sira ne’ebé sei kontinua Ninia misaun sira hodi haklaken Liafuan Diak salvasaun nian ba ema hotu, Nia fó ba sira mandamento foun ida atu hadomi malu nu’udar Nia hadomi sira tiha ona. Refrelte; “Será que ita mos hadomi Maromak no hadomi malu ho fuan no laran tomak hanesan Jesus?”
P. Philip Heng, S.J.
Jo. 13:31-33a,34-35
Ukunfuan foun
31Judas sai tiha, Jesus dehan: “Ohin Oan Mane simu tiha gloria, no Maromak sei simu gloria iha Nia. 32Maromak simu karik gloria iha Nia, Maromak mós sei fo gloria ba Nia iha Nia An rasik no sei fo gloria kedas ba Nia. 33Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mós ba imi: ‘Ba fatin nebe Ha’u sei ba, imi la bele ba. ’ 34Ha’u fo ba imi ukunfuan foun: imi sei hadomi malu; nudar Ha’u hadomi imi, nune’e mós imi sei hadomi malu. 35Nune’e mak ema hotu sei hatene katak imi Ha’u nia eskolante sira: wainhira imi hadomi malu.”
Today's Pointers on God's Word
As you read the passage what words, phases or meanings caught your attention?
- Jesus relata ba Nia discípulo sira ho laran mamar no domin, tamba Nia hatene oinsá ida ne’e ba sira atu simu no fiel ba lia los ne’ebé nia hanorin. Nia koalia ba sira hanesan labarik kiik sira.
- Sai kristu nia discipulo, Maromak nia domin no hatudu nia domin ba malu liu husi servisiu humilde mak nia fondasaun. Tamba ne’e, Jesus hateten, ita sei gloriafika Nia no Nia Aman Maromak.
- Ita hotu hetan chamada atu fó gloria ba Maromak liu husi ita nia moris loron-loron. Imi nia estilu moris no relasaun ho ema seluk fó gloria ba Maromak? Imi sei kontinua halo ida ne’e? Oinsá Maromak dezafia ita atu fó gloria Nia no Aman Maromak.