DGEMs

Maluk sira mak Kristu hadomi,

“Domin – Mandamento Sira”: Iha Evangelho ohin loron nian, Jesus haklaken ba Nia escolante sira, “Se imi halo tuir Ha’u-Nia mandamento sira, imi sei hela metin iha Ha’u-Nia Domin.” Reflete, “Wainhira o hadomi Jesus, o-nia hakarak sira ne’ebé klean liu sei lori o moris tuir Evangelho. No, hadomi Jesus ne’e fo ksolok no sentido bo’ot ba o, duke fo todan ba o-nia moris.”

P. Philip Heng, S.J.

Domin boot liu hotu

9Nudar Aman hadomi Ha’u, nune’e mós Ha’u hadomi imi; hela iha Ha’u nia domin ba. 10Imi halo tuir Ha’u nia ukunfuan sira karik, imi sei hela iha Ha’u nia domin; nudar Ha’u mós halo tuir Ha’u Aman nia ukunfuan sira no hela iha Nia domin.”

               11“Ha’u dehan sai lia hirak ne’e ba imi atu Ha’u nia ksolok hela iha imi no imi nia ksolok sai lo-los. 12Ha’u nia ukunfuan mak ida ne’e: imi hadomi malu nudar Ha’u hadomi tiha imi.15Ha’u la bolu ona imi atan, basa atan la hatene nia na’in halo sa; maibé Ha’u bolu imi belun, tan Ha’u fo hatene ona ba imi lia hotu nebe Ha’u rona housi Aman. 16La’os imi mak fihir Ha’u, maibé Ha’u mak fihir imi, hodi haruka imi ba atu ba fo fuan, no imi nia fuan hela ba nafatin, nune’e buat hotu nebe imi husu ba Aman hodi Ha’u naran, Nia sei haraik ba imi. 17Ha’u haruka imi: hadomi malu.”