4ª Semana da Páskua: Sexta-feira, dia 13, fulan maio, 2022 May 13, 2022
Reflection on the WORD
Maluk sira mak Kristu hadomi,
“Uma Lalehan nian”: Iha Evangelho ohin loron nian, Jesus dehan ba nia escolante sira, “Ha’u mak Dalan, Lialos no Moris”. Nia mos assegura sira dehan, “Ha’u sei prepara fatin ida ba imi iha lalehan.” Refleta, “Oinsa mak ita experiensia tiha ona Jesus nu’udar Dalan, Lialos no Moris, ne’ebé lori o no assegura o katak o iha fatin ida iha lalehan wainhira o mate?”
P. Philip Heng, S.J.
Jo. 14: 1-6
Jesus ba hadia fatin ba nia eskolante sira
1“Keta laran taridu resin. Imi fiar iha Maromak, fiar mós iha Ha’u. 2Iha Ha’u Aman nia uma iha fatin wa’in. Lae karik, Ha’u dehan ba imi katak Ha’u ba hadia fatin ba imi?’ 3Wainhira Ha’u ba ona hodi hadia ona fatin ba imi, Ha’u sei fila hikas mai hodi lori imi ho Ha’u; nune’e, iha fatin nebe Ha’u hela, imi mós sei hela ba. 4Ba fatin nebe Ha’u atu ba, imi hatene ona dalan.” 5Tome dehan ba Nia: “Na’i, ami la hatene Ita ba los nebe; oin sa ami bele hatene dalan?” 6Jesus hateten ba nia: “Ha’u ne’e dalan, lialos no moris. Ema ida la liu karik housi Ha’u, nia la bele hakbesik Ha’u Aman.
Today's Pointers on God's Word
As you read the passage what words, phases or meanings caught your attention?
- Jesus asegura ita tan katak ita nia destinasaun iha moris mak ksolok rohan laek iha Lalehan.
- Ba ita barak, ita la hakarak atu hasouru realidade ne’ebé klean. Dalaruma, se ita bele hasouru lia los ida ne’e, ita bele valoriza ita nia tempu límite iha moris ida ne’e no hahu atu haré buat hotu iha moris ne’e transitoriu ou passa de’it.
- Reza ba grasa ne’ebé ita presiza atu moris foku liu tan, atu la gasta tempu presiozu no opurtunidade ho buat ne’ebé superfisial de’it maibé uza sira atu moris iha Maromak nia maneira no prepara ita nia an ba moris rohan laek iha Nia.