DGEMs

Maluk sira mak Kristu hadomi,

“Paun husi Lalehan” – Fiar: Iha Evangelho ohin loron nian, Jesus haklaken ba ema lubun boot sira katak hahan sira no material sira ne’ebé ita hetan iha moris ida nee la permanente no sei aat hotu loron ida. Maibé, wainhira ita simu Nia ne’ebé “Paun husi Lalehan,” ita sei “moris ba nafatin.” Reflre; “Será que ita valoriza liu material sira duke simu Jesus iha Comunhão Sagrada?”

P. Philip Heng, S.J.

44Ema ida la bele hakbesik Ha’u wainhira Ha’u Aman nebe haruka Ha’u mai la dada nia; no Ha’u sei halo ema ne’e moris hi’as iha loron ikus. 45 Hakerek nanis ona iha Profeta sira: ‘Maromak sei hanorin sira hotu. Ema hotu nebe rona housi Aman hodi aprende housi Nia, ema ne’e hakbesik Ha’u. 46Ema ida seidauk hare Aman. Ida nebe mai housi Maromak, Nia deit mak hare ona Aman. 47Tebes, tebes, Ha’u dehan ba imi: ema nebe fiar hetan moris rohan laek. 48Ha’u mak paun moris nian. 49Imi nia bei ala sira han mana iha rai fuik maran, no sira mate ona. 50Ne’e mak paun nebe tun housi lalehan, atu ema nebe han paun ne’e sei la mate. 51Ha’u mak paun moris nian nebe tun mai housi lalehan. Ema nebe han paun ne’e, nia sei moris ba nafatin; no paun nebe Ha’u sei fo mak Ha’u nia isin rasik, saran ba mundu nia moris.”