3ª Semana da Páskua: Segunda-feira, dia 2, fulan maio, 2022 May 2, 2022
Reflection on the WORD
Maluk sira mak Kristu hadomi,
“Fira ne’ebé sincero”: Iha Evangelho loron ohin nian, Jesus fó hanoin fila fali ema lubun boot katak atu manan moris rohan laek, sira tenki fó sasin kona-ba LIALOS Messias nian lolos ho fuan no hahalok sira. Reflete, “Será que ita nia fiar hatudu-an iha oinsa ita moris no relaciona ho ema seluk, hanesan liu husi compaixão, domin, laran luak no serbí ba sira ne’ebé precisa, liu-liu sira ne’ebé kiak?”
P. Philip Heng, S.J
Jo. 6: 24-29
Paun moris nian
24Hare katak Jesus la iha ona neba, nia eskolante sira mos lae, sira sa’e ro hodi ba Kafarnaum atu buka Jesus.
25Hetan tiha Nia iha tasi sorin balun ba, sira hateten ba Nia: “Mestre, wainhira mak Ita boot to’o iha ne’e?” 26Jesus hatan ba sira dehan: “Tebes, tebes, Ha’u dehan ba imi: imi buka Ha’u la’os tan imi hare milagre sira, maibe tan imi han paun to’o bosu. 27Keta haka’as an atu hetan aihan nebe mohu, maibe aihan nebe hela ba moris rohan laek; nebe Oan Mane sei haraik ba imi. Basa ba Nia mak Aman Maromak tau nia marka.” 28Sira hatan ba Nia dehan: “Ami sei halo sa los atu halo Maromak nia serbisu?” 29Jesus lia tun ba sira: “Maromak nia serbisu mak ida ne’e: imi fiar Ida nebe Nia haruka mai.”
Today's Pointers on God's Word
As you read the passage what words, phases or meanings caught your attention?
- Wainhira koalia ho ema lubun boot, hafoin multiplikasaun paun nian, Jesus hakarak ema sira iha tempo neeba no ita sira ohin loron nian atu reflete kona-bá ita nia hakarak sira ne’ebe la hanesan iha ita-nia moris.
- Ita hamalaha hela ba plenitude fisica, emocional no spiritual loron-loron nian. Maibe, Maromak de’it mak bele safisfaz ita-nia hamlaha espiritual nian – hamlaha ba sentido ultimo, valor no Lialos ne’ebe sei lori ita ba moris rohan laek.
- Hanoin didiak konabá ita-nia hakarak sira hotu moris nian ne’ebe klean liu no koalia ho Na’i Maromak kona ba hakarak sira ne’e.