DGEMs

Maluk sira mak Kristu hadomi,

“Hadomi Jesus”: Iha Evangelho loron ohin nian, Jesus husu dala tolu ba Pedro: “O hadomi ha’u?” Jesus halo pergunta ida ne’e tamba Pedro nega Jesus dala tolu. Reflete: “Iha biban sá de’it wainhira ita sala, ita mos ‘nega’ ita-nia domin ba Jesus. Dala hira ona mak ita ho konxienxia dehan ba Jesus, “Nai, Ha’u hadomi ita, ajuda ha’u atu hadomi ita diak liu tan iha buat hotu ne’ebé ha’u halo loron-loron.

P. Philip Heng, S.J

Jesus mosu iha tasi Tiberiades nia sorin

                    1Ne’e hotu tiha, Jesus hatudu An dala ida tan besik tasi Tiberiades. Nia mosu nune’e. 15Sira han hotu tiha, Jesus husu ba Simao Pedro: “Simao, Joao nia oan, o hadomi Ha’u liu fali sira ne’e?” Nia hatan: “Tebes, Na’i, Ita hatene katak ha’u hadomi Ita.” Jesus dehan ba nia: “Fo han Ha’u nia bibi oan sira.” 16Dala ida tan Nia husu: “Simao, Joao nia oan, o hadomi Ha’u?” Pedro hatan: “Tebes duni, Na’i, Ita hatene katak ha’u hadomi Ita.” Jesus dehan ba Nia: “Tau matan ba Ha’u nia bibi sira.” 17Ba dala tolu Nia husu: “Simao, Joao nia oan, o hadomi Ha’u?” Pedro neon sala tan Jesus husu dala tolu ona ba nia “O hadomi Ha’u?” Nia dehan ba Nia: “Na’i, Ita hatene buat hotu, Ita hatene katak ha’u hadomi Ita.” Jesus dehan ba Nia: “Fo han Ha’u nia bibi sira. 18Tebes, tebes, Ha’u dehan ba o: wainhira o sei klosan, o rasik mak hatais an hodi la’o ba fatin nebe o hakarak; maibe wainhira o katuas ona, o sei lolo liman no ema seluk sei fo hatais o hodi lori o ba fatin nebe o lakohi.” 18Nia koalia nune’e atu fo sai oin sa Pedro sei mate hodi fo gloria ba Maromak. Dehan tiha lia hirak ne’e, Jesus dehan ba nia: “Tuir Ha’u mai.”