2º Domingo da Paskua: Terça-feira, dia 26, fulan Abril, 2022 April 26, 2022
Reflection on the WORD
Maluk sira mak Kristu hadomi,
Prezensa Espírito Santo nian - Fiar: Iha Evangelho loron ohin, Jesus haklaken ba Nikodemus katak Espírito Santo transforma ita sai Maromak Oan iha Batismo. Espírito presente iha ita nia moris tuir Nia vontade, no ita la controla Nia. Reflete, “Mai ita afirma katak wainhira ita besik ba Maromak, ne’e tambá, Espírito Santo nia serbisu iha ita nia moris”.
Pe. Philip Heng, S.J.
Jn 3:7b-8,11-15
7Keta hakfodak tamba Ha’u dehan ba o, ‘Imi ten ke moris fali housi leten.’ 8Anin hu’u ba fatin nebe nia hakarak; o rona nia lia, maibe o la hatene nia mai housi nebe no nia ba nebe. Nune’e mos ho ema hotu nebe moris housi Espiritu.” 11Tebes, tebes, Ha’u hateten ba o katak ami ko’alia kona ba buat nebe ami hatene, hodi fo sasin kona ba buat nebe ami hare ona; maibe imi la simu. 12Ha’u ko’alia kona ba sasan mundu ne’e nian karik, no imi la fiar Ha’u; oin sa mak imi bele fiar wainhira Ha’u ko’alia kona ba sasan lalehan nian? 13Ema ida la dauk sa’e ba lalehan; maibe Ida de’it nebe tun housi lalehan, katak Oan Mane. 14Nudar Moises foti samea iha rai fuik maran, nune’e mos ema ten ke foti Oan Mane, 15atu ema hotu nebe fiar iha Nia bele hetan moris rohan laek.
Today's Pointers on God's Word
As you read the passage what words, phases or meanings caught your attention?
- Jesus explika katak ita so bele rona, sente no haré efeto sira anin nian maiske la hatene nia mai husi nebé. Nune’e mós, Espírito Santo sei la visivel, maibé ita sei experiênsia nia efeto sira iha ita nia moris.
- Jesus nia analojia kona-bá Moises foti sa’e nia serpente bronze iha dezertu mak hanesan profesia kona-ba ninia-an rasik foti sa’e ba iha Kruz; no ne’e hotu lori kura nebé kle’an, paz, no moris rohan la’ek ba hot-hotu nebé fiar iha Nia.
- Reza ba grasa atu kontinua iha gratidaun nebé kle’an ba Maromak ba nia laran luak no tamba Nia halo ita sai nia oan mane no feto sira.