DGEMs

Maluk sira mak Kristu hadomi,

Jesus Ressucitado - Fiar: Iha Evangelho loron ohin, ita haré katak wainhira Jesus Nia discípulo sira obedese ba Nia, sira kaer ikan wain nebé liu fali kapacidade sira ema nian. Reflete, “Ita experiensia rejistensia iha obedese ba Maromak nia Vontade no dalan sira? Mai ita reza ba sabedoria atu hasai ita husi pre-conceito sira no foti-an sira, no sai ema obidente liu tan ba Maromak nia vontade no hakarak. 

Pe. Philip Heng, S.J.

Jesus mosu iha tasi Tiberiades nia sorin

                    1Ne’e hotu tiha, Jesus hatudu An dala ida tan besik tasi Tiberiades. Nia mosu nune’e. 3Simao Pedro hateten ba sira: “Ha’u ba kaer ikan.” Sira dehan ba nia: “Ami mos ba hotu ho o.” Sira sai no sae ba ro, maibe iha kalan neba sira la hetan ikan ida. 4Iha rai hun mutin, Jesus hamriik iha tasi ibun; maibe eskolante sira la hatene katak Nia mak Jesus. 5Jesus dehan ba sira: “Labarik sira, imi iha buat ruma atu han?” Sira hatan: “La iha” 6Nia simu fali: “Soe imi nia dai ba ro nia sorin kuana no imi sei hetan.” Ne’e duni, sira soe dai, hafoin sira la bele dada mai, tan ikan barak liu. 12Jesus dehan ba sira: “Mai han.” Eskolante sira ida mos la berani atu husu ba Nia “Ita se los?” tan sira hatene katak Nia mak Na’i. 13Jesus hakbesik, kaer paun hodi fo ba sira; nune’e mos ho ikan. 14Ne’e ba dala tolu ona mak Jesus mosu ba nia eskolante sira, liu tiha Nia moris hi’as housi mate.