DGEMs

Maluk sira mak Kristu hadomi,

Hewai Jesus: Iha Evangelho loron ohin, iha Han Kalan Ikus nian, Judas nega katak nia sei hewai Jesus. Reflete, “Iha tempo sira balun wainhira ita sente-an sala ba salan sira nebé mak hakanek ema seluk, hanesan Judas nebé nega salan sira ne’e?” Reza ba grasa sira ita presiza atu haforsa ita nia fiar lor-loron, no keta husik ita nia fiar liu lét deít. 

Pe. Philip Heng, S.J.

Han kalan ba dala ikus

17Iha loron uluk festa Paun fermentu laek nian, nia eskolante sira ba husu Jesus; “Ita hakarak ami ba hadia ba Ita sasan atu han Paskua iha los nebe?” 18Nia hatan: “Ba hasouru ema ida iha sidade hodi dehan ba nia: ‘Mestre dehan: ‘Ha’u nia tempu besik ona; iha o nia uma mak Ha’u sei halo Paskua hamutuk ho ha’u nia eskolante sira.’” 20To’o ona loraik, Nia tur iha meja hamutuk ho sira na’in sanulu resin rua. 21Wainhira sira han dau-daun, Nia dehan: “Tebes, Ha’u dehan ba imi; imi ida sei saran Ha’u.” 22Ho neon nakraik teb-tebes, sira ida-ida hahu dehan ba nia: “Keta ha’u karik, Na’i?” 23Nia hatan: “Ida nebe hatama nia liman hamutuk ho Ha’u iha bikan, nia mak sei saran Ha’u. 24Oan Mane tuir nia dalan nudar hakerek nanis ona kona ba Nia; maibe susar boot ba ema nebe saran Oan Mane ba mate: nia la moris karik kala diak liu!” 25Judas, ida nebe saran Nia dehan; “Keta ha’u karik, Mestre?” Jesus hatan ba nia: “O rasik mak dehan.”