DGEMs

Maluk sira mak Kristu hadomi,

Fidelidade ba Jesus: iha Evangelho loron ohin, Jesus fó hatene uluk ona Pedro ninia traisaun ba Nia. Pedro la fiar iha Jesus tamba Pedro hadomi Jesus klean tebes. Reflete,”Ita hotu hadomi Jesus, maibé ita mós hatene katak hanesan Pedro, ita mós ‘nega’ Jesus liu husi ita nia salan sira. Sé ita haklean ita nia fiar lor-loron, Ita nia fiar ne’e sei haforsa ita husi monu ba tentasaun sira.”

Pe. Philip Heng, S.J.

Ukunfuan foun

                    31Judas sai tiha, Jesus dehan: “Ohin Oan Mane simu tiha gloria, no Maromak sei simu gloria iha Nia. 32Maromak simu karik gloria iha Nia, Maromak mos sei fo gloria ba Nia iha Nia An rasik no sei fo gloria kedas ba Nia. 33Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mos ba imi: ‘Ba fatin nebe Ha’u sei ba, imi la bele ba.’ 36Simao Pedro dehan ba Jesus: “Na’i, Ita ba nebe?” Jesus hatan ba nia: “Ba fatin nebe Ha’u sei ba, ohin o la bele tuir, maibe o sei tuir aban bainrua.” 37Pedro simu dehan: “Na’i, tansa ha’u la bele tuir Ita ohin? Ha’u sei saran ha’u nia moris tamba Ita!” 38Jesus lia tun fali ba nia: “O sei saran o nia moris ba Ha’u? Tebes, tebes, Ha’u dehan ba o katak molok manu kokorek, o sei heli Ha’u dala tolu.”