DGEMs

Maluk sira mak Kristu hadomi,

Ameasas – Fiar: Iha Evangelho loron ohin, Jesus experiênsia ameasas kona-bá nia moris, maibé, Nia la tauk, kontinua haklakenLia-Lós kona-bá Lia-Foun Diak. Reflete, “Wainhira ita moris tuir ita nia fiar no ita hasoru dezafiu sira, ita hetan ita nia forsa nebé klean husi Maromak ou ita facilmente hakiduk? Saidá mak Jesus dehan dau-daun ba ita iha loron ohin?”  

Pe. Philip Heng, S.J.

Jesus sa’e ba Jerusalem hodi hanoin

                    1Tuir mai, Jesus la’o iha Galileia; Nia lakohi la’o iha Judeia, basa Judeu sira buka atu oho Nia. 2Festa Tabernakulu Judeu sira nian besik dau-daun ona. 10Maibe wainhira Nia maun alin ba tiha ona festa, Nia mos ba la hodi la’o iha ema hotu nia oin, maibe sub-subar de’it. 25Iha Jerusalem ema balun hateten: “La’os ida ne’e mak ema buka atu oho? 26Maibe Nia ko’alia iha ema hotu nia oin, no sira la dehan buat ida ba Nia. Keta na’i ulun sira hatene ona lo-los katak Nia mak Kristu karik? 28Tuir mai, wainhira Nia hanorin iha templu, Jesus dehan ho lia maka’as: “Imi hatene Ha’u, imi hatene mos Ha’u mai housi nebe. Maibe Ha’u la mai hodi Ha’u an rasik, maibe Ida nebe haruka Ha’u mai, Nia los; no imi la hatene Nia; 29Ha’u hatene Nia basa Ha’u mai housi Nia no Nia mak haruka Ha’u mai.” 30Sira buka kaer Nia, maibe ema ida la tau liman ba Nia, basa nia oras seidauk to’o.