DGEMs

Maluk sira mak Kristu hadomi,

Dúvida ho Na’i nia Domin: Iha Evangelho ohin nian, Jesus kura liurai ida nia oan mane ne’ebé besik atu mate, maiske la presiza hakbesik ba nia. Mai ita reflete, “ita iha dúvida wainhira ita buka Na’i nia Domin Misericordiozu? Wainhira ita haklean ita nia domin ba Na’i, ita sei experiênsia katak Nia hadomi ita la iha rohan no laiha kondisaun

Fr Philip Heng,S.J. 

45To’o tiha Galileia, ema Galileia sira simu Nia di-diak, tamba sira hare ona buat hotu ne’ebé Nia halo iha Jerusalem, basa sira mos ba tuir festa. 46Jesus fila fali ba Kana Galileia, iha ne’ebé Nia halo be nakfila ba tua. Iha Kafarnaum, iha liurai nia emar ida ne’ebé nia oan mane moras. 47Rona tiha katak Jesus to’o ona Galileia housi Judeia, ema ne’e ba hasouru Nia hodi husu ba Nia atu mai fo isin diak ba nia oan, ne’ebé besik atu mate. 48Jesus hateten ba nia: “Imi la hare karik sinal no milagre sira, imi la fiar.” 49Liurai nia emar ne’e hatan ba Nia: “Na’i, tun lalais molok ha’u nia oan mane ne’e mate.” 50Jesus dehan ba nia: “Ba, o nia oan moris.” Ema ne’e fiar liafuan ne’ebé Jesus hateten ba nia, hodi fila fali ba uma. 51Nia sei la’o dau-daun, nia atan sira hasouru nia hodi dehan katak nia oan sei moris hela. 52Nia husu ba sira iha sa oras mak nia oan hahu sai diak fali. Sira dehan: “Horse’ik besik tuku ida isin manas husik nia.” 53Aman ne’e hatene kedas katak lo-los iha oras neba mak Jesus dehan ba nia: “O nia oan moris.” Ne’e duni, nia ho nia familia tomak fiar.