DGEMs

Maluk sira mak Kristu hadomi,

Humildade - Sinceridade: Iha Evangelho ohin nian, Jesus ko’alia uza “Parábola kona-bá Fariseu no Pubblicanu,” atu fó hanoin ita oinsa atu sai humilde, wainhira ita buka Na’i nia Domin Misericordiozu hodi fó perdaun ba ita nia salan sira. Mai ita reflete, “wainhira ita husu Na’i nia perdaun durante halo Sacramentu da Rekonciliasaun, ita  haraik-an duni, arrepende, no sinseriu ou ita halo superficial de’it?

Fr Philip Heng,S.J.

9Hafoin Nia haktuir tan aiknanoik ida ne’e ba ema balun ne’ebé foti an hodi hanoin katak sira ema santu, no hakribi ema seluk: 10“Ema na’in rua sa’e ba templu atu harohan: ida fariseu, ida seluk publikanu. 11Fariseu ne’e hamriik tiha, hodi harohan nune’e: ‘Na’i Maromak, ha’u agradese Ita Boot, basa ha’u la’os hanesan ema seluk: sira mesak ema na’okten, kaanten, laran foer; ha’u la hanesan mos ema publikanu ne’e. 12Ha’u hadera an semana ida dala rua. Ha’u selu impostu housi ha’u nia rikusoi tomak.’ 13Publikano fali hamriik dook, la berani atu foti matan, maibe baku deit nia hirus matan dehan: ‘Na’i Maromak, sadia atan ha’u, ema maksalak!’ 14Tebes, Ha’u dehan ba imi katak ema ne’e fila ba uma los ona, ida seluk lae. Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”