DGEMs

Maluk sira mak Kristu hadomi,

Anunciasaun Na’i nian: Iha Evangelho ohin nian, wainhira anjo Gabriel anuncia Liafuan Diak Salvasaun nian ba Maria, no Nia simu. Ida ne’e maka akontese planu Salvasaun Na’i nian atu hola-an ba Ema atu Salva ita. Mai ita reflete no haklean Lialos Na’i nian ba Planu perfeitu Na’i nian ne’e. Agradece Na’i ba Ninia domin incondicional no laran luak ba ita.

Fr Philip Heng,S.J.

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida ne’ebé hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu ne’ebé atu moris sei hanaran An ‘Maromak nia Oan.’ 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.

• Maria realmente atentiva no totalmente obediente iha Liafuan Na’i nian. Maria responde kedas ho fé no fiar iha Na’i nia providensia ba nia. Maria sai hanesan duni modelu fiar nain ida ba fiar nain sira seluk.

• Maria fiar iha Liafuan Na’i nian, katak Nia sei kous liuhusi Espírito Santo; ne’ebé difícil tebes atu ema kompreende. Maibé, Maria ho desejo boot halo tuir maiske Nia hatene katak Nia bele hetan castigu/tuda ho fatuk too mate.

• Wainhira Na’i bolu ita atu halo tuir Nia Hakarak, Nia mós sei fó ba ita grasa no forsa sira atu responde no sai fiel liutan ba Nia. Sai ema ne’ebé nakloke-an ba Espírito Santo. Wainhira Na’i fó ba ita bo’ot serbisu defisil ruma, ita bo’ot nia responde saida?