DGEMs

Maluk sira mak Kristu hadomi,

Relasaun ho Maromak: Evangelho ohin, Jesus hetan akuzasaun katak Nia duni sai diabo ho forsa Satanas nian. Nia entaun proklama katak atu duni sai diabo, ita presiza iha fuan ida ho Maromak. Mai ita reflete “ita iha fiar, domin no esperansa tomakba Maromak? Ita nia relasaun ho Nia, forti ka frako?

Fr Philip Heng,S.J.

14Jesus duni sai dau-daun diabu ida ne’ebé monok. Wainhira diabu sai tiha, ema monok koalia hodi halo povu tomak hakfodak. 15Maibe ema balun dehan: “Nia duni sai diabu hodi Beelzebu, diabu sira nia ulun, nia naran.” 16Balun fali husu ba Nia sinal ida housi lalehan, atu koko Nia. 17Maibe, hatene tiha sira nia hanoin, Nia dehan ba sira: “Reinu hotu ne’ebé fahe malu sei sobu rahun, no uma ida sei monu iha uma seluk nia leten. 18Nune’e mos, Satanas fahe karik nia an ba rua, nia reinu sei tahan oin sa los? Basa imi dehan katak hodi Belzebu mak Ha’u duni sai diabu sira. 20Maibe Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi. 21Wainhira ema maka’as ida ho kroat hein nia uma boot, nia rikusoi hela metin hakmatek; 22maibe wainhira ema ida maka’as liu nia mosu mai karik hodi manan nia, ema ne’e hadau nia kroat ne’ebé fo laran metin ba nia, hodi fahe nia sasan tomak. 23Ida ne’ebé la hamutuk ho Ha’u, nia hasouru Ha’u; no ida ne’ebé la halibur ho Ha’u, nia sei namkari.