3a Semana da Quaresma: Quarta-Feira, dia 23, fulan Março, 2022 March 23, 2022
Reflection on the WORD
Maluk sira mak Kristu hadomi,
Liafuan Diak Salvasaun nian: Iha Evangelho ohin nian, Jesus liatun ba nia discípulo sira, “ ha’u mai la’os atu halakon, maibé atu kompleta Lei ou Profeta sira.” Mai ita reflete: “ita hetan konvite atu reflete kona-bá Antigo no Novo Testamento, atu kompreende didiak no hetan inspirasaun liutan husi Jesus ne’ebé mak ita nia Salvador no Na’i lolos.”
Fr Philip Heng,S.J.
Mt 5:17-19
Jesus lia tun ba nia discípulo sira katak: 17“Imi keta hanoin katak Ha'u mai atu halakon tiha ukunfuan no profeta sira; Ha'u mai la'os atu halakon, maibe atu halo tuir lolos. 18Tebes, Ha'u dehan ba imi: maski lalehan no rai lakon, ukunfuan nia baluk ida mos sei la lakon, sei kumpri hotu. 19Ne'e duni, ema ne’ebé la halo tuir ukunfuan sira ne'e ida, maski kiik liu, hodi hanorin nune'e ba ema, ema sei hanaran nia sei kiik liu iha reinu lalehan. Maibe ema ne’ebé halo tuir hodi hanorin mos ema seluk, ema sei hanaran nia boot iha reinu lalehan.
Today's Pointers on God's Word
As you read the passage what words, phases or meanings caught your attention?
- Wainhira ita prátika ita nia fiar, ita iha tendensia atu sai ema selectivu; hodi la konsidera aspetu balun hanesan: arcaicu, ne’ebé ejijente no moralista tebes no seluk ne’ebé hanesan.
- Evangelho ohin, Jesus asegura ita hotu katak Nia la’os mai atu halakon lei sira, maibé Nia mai atu kumpri lolos lei sira no lori lei sira ba iha nível espíritual ida ne’ebé a’as iha perfeisaun no iha implementasaun.
- Dalaruma ita dezafia ita nia-an atu hakat liu buat sira ne’ebé ita gosta no la gosta, no ita koko atu husik Sabedoria igreja no Maromak nian atu guia ita ba lialos ne’ebé Jesus hanorin? Harohan atu Na’i haraik mai ita grasa atu loke-an no sinceridade iha meneira ita hadomi Na’i iha ita nia moris loro-loron nian.