2a Semana da Quaresma: Quinta-feira, dia 17, fulan Março, 2022 March 17, 2022
Reflection on the WORD
Maluk sira mak Kristu hadomi,
Na’i nia bensaun abundante: Iha Evangelho ohin, Jesus nia parabola kona-bá mane riku ida no Lázaro, fó hanoin mai ita kona-bá responsabilidade no consequencia sira se ita la partilha Na’i nia bensaun ho ema seluk, especialmente ho ema ki’ak sira. Mai ita reflete: “ita karik hetan inspirasaun atu sai ema ne’ebé responsavel no generozu liu tan hodi uza bensaun sira Na’i nian ne’ebé abundante tebes?
Fr Philip Heng,S.J.
Lk 16:19-26
Jesus lia tun ba fariseu sira:19“Ema riku ida hatais mesak mean furak ho kabas lahan lotuk. Loron loron nia halo festa boot. 20Ema kiak ida naran Lazaro tur hela iha nia odamatan. 21Kiak ne’e hakarak hili etu mumun housi riku nia meja okos; asu sira mai belo nia kanek sira. 22Loron ida ema kiak ne’e mate, Maromak nia anju sira lori nia ba hamutuk ho Abraao. Ema riku ne’e mos mate, ema hakoi nia. 23Terus barak iha infernu, ema riku ne’e foti matan hodi hare housi dook Abraao ho Lazaro hamutuk ho nia. 24Iha oras ne’e nia hasa’e lia maka’as dehan: ‘Ha’u aman Abraao, sadia atan ha’u! Haruka netik Lazaro atu habokon nia limanfuan rohan iha be laran, hodi mai halo malirin ha’u nia nanal, basa ha’u terus la diak iha ahi ne’e!’ 25Abraao hatan: ‘Oan, hanoin ba katak o simu ona o nia diak iha o nia moris tomak; Lazaro fali simu mak susar deit. Oras ne’e Lazaro hetan ksolok; o fali hetan terus boot. 26Hafoin, housi ami ba imi mos rai kuak bo’ot haketak ita: nune’e ami ida hakarak karik liu ba imi, la bele; imi ida hakarak hakat karik mai ami, mos la bele.’
Today's Pointers on God's Word
As you read the passage what words, phases or meanings caught your attention?
- Ita nia leitura Evangelho ohin nian, ema riku ida ninia kastigu ne’e la’os tanba nia iha riku soin barak maibé tamba salan ba ninia failha sira, tanba lahalo diak hodi atende ba nesecidade Lazaru nian. Ema kiak no mukit.
- Quando Na’i haraik bensaun mai ita ho riqueza moris ne’e nian, nune’e ita precisa tau matan no responsável ba riqueza ne’e, especialmente tau matan ba ema kiak no mukit sira. Wainhira ita la’o ba hasoru Na’i iha portaun lalehan nian, Na’i sei husu ba ita, “ita partilha ita nia bensaun no rikusoin sira ho ema mukit sira?
- Wainhira ita fahe ita nia rikusoin sira ho ema mukit sira, ita halo ida ne’e tamba iha domin ba Maromak; la’os egoisticamente atu diminui ita nia kulpa sira.